[i56a]
DE LA VILLE DE PARIS.
125
CC. — [Reparations aux murailles, portes et rampars de la Ville.]
25 mai 1562. (Fol. 12a v°.)
Du xxvc jour de May v° lxii.
Au jour d'huy, monsr Paluau, notaire ct secretaire du Roy et Conseiller de lad. Ville, et sire Claude Marcel, bourgeois de Paris, naguieres Eschevin d'icelle, ont apporté au Bureau d'icelle Ville en ung cayer de papier toutes les repparations qu'il est necessaires faire à l'entour des murailles, portes et rampars de lad. Ville, il a esté ordonné estre promp-
tement reffaictes et repparées en dilligences. Ce faict, a esté led. cayer baillé à me Guillaume Guillain, maistre des œuvres de maçonnerye de lad. Ville, signé et aresté, pour incontinant y mectre gens pour faire lesd, repparations, qui a dict qu'il en fera son debvoir.
Nicollas Loré, archer de lad. Ville, retenu pour garde de ceans comme les aultres archers.
CCI. — Procession par la Court et la Ville X Sainct Médart.
i3 et i4 juin 1562.(Fol. ia3 r°.)
Extraict des Registres de Parlement. "La Court a ordonné [et ordonne] que le Prevost des Marchans et Eschevins de ceste ville de Paris assisteront demain à la procession qui se fera depuis l'Eglise de Paris à Saincte. Geneviefve, et d'illec ii Sainct Medard pour la reparation des cas commis en lad. esglise, les Terriers de Noel au moys de De­cembre dernier, eulx estans acompaignez des Con­seillers de lad. Ville, bourgeois et marchans d'icelle, en la plus grande et notable compaignye que faire se pourra, et pareillement des archers, arbalestriers ct harquebusiers dc lad. Ville, comme il est acous­tumé de faire. Et oultre que pour acompaigner le sainct Sacrement do l'autel auront bon nombre de torches, et pour obvier aux inconveniens qui pour­roient advenir pour le bien, repos et tranquilité des subject/, du Roy, manans et habitans de lad. Ville, et à ce que en l'honneur de Dieu la procession soict faicte sans aulcun tumulte et perturbation, a enjoinct lad. Court aud. Prevost des Marchans et Eschevins que depuis l'Eglise de Paris, de laquelle partira la procession, jusques à Saincte Geneviefve, et d'illec jusques à Sainct Medard, au devant de chascune maison où la procession passera, qu'il y aict ung homme bien armé et équipé dc ceulx qui ont esté levez pour la tution et deffence de la Ville, oultre ceulx qui seront ordonnez en quelque
nombre aux barrières el principaulx carrefours de ceste dicte Ville, et es environs des lieux où s'adon­nera le chemin de lad. procession. Et sera ceste or­donnance signiffiée aud. Prevost des Marchans et Eschevins par le premier des huissiers de Iad. Court.
«Faict en Parlement, le treizeiesmejour de Juing, l'an mil cinq cens soixante deux O. n
Signé : Du Tiullkt.
Le dymenche, xmic jour de Juing v° lxii, suyvant l'arest de la Courtey devant enregistré, Messieurs les Prevost des Marchans et Eschevins allerent en procession à Sainct Medard cn l'ordre que ensuict : Premierement, à sept heures du matin, partirent de l'Hostel de lad. Ville les archers, abalestriers et hacquebutiers en armes. Après eulx marcheoient à cheval les cappitaines de chascune Dixaine dc lad. Ville bien en ordre; après, les sergens vestuz de leurs robbes my parties, le greffier et Messieurs vestuz de leurs robbes de livrée; après, Mess™ les Conseillers, Quarteniers et bourgeois allerent jusques à Saincte Geneviefve à cheval, entrerentau cueur et se mirent du costé senestre. Auquel lieu fut prins le corpus Domini, et porté par monsr l'evesque d'Avranche '-' qui faisoict l'office à Sainct Medard, l'abbé dud. lieu'3' faisant le diacre, l'abbé du Val, Benedicti,
O Cet arrêt du Parlement se trouve au Conseil {Archives nationales, X" 1602, fol. 894 v°); il a été imprimé dans Cimber et Danjou (Arc/iivcs curieuses de l'histoire de France, 1" série, t. IV, p. 99), avec un récit de la procession expiatoire du i4 juin, beaucoup plus complet que celui des Registres du Bureau de la Ville.
(2> Antoine Le Cirier, ancien doyen de Notre-Dame de Paris, qui occupa le siège épiscopal d'Avranches de 1561 à 1575.
(3) Joseph Foulon, abbé de Sainte-Geneviève, qui, d'après le Journal de l'année 156a, p. 115, porta le Saint Sacrement de l'église Sainte-Geneviève à Saint-Médard.